dipuesit
/-é-/
di|pue|sit
[AF]
-
s.m.
il depositâ, il lassâ alc di cualchi bande, spec. sot de responsabilitât di cdn. altri:
une bondance [di interès di Tellini] che si spiegle tal so archivi, in dipuesit te Biblioteche "Joppi" di Udint (Donato Toffoli, Lidrîs pal pinsîr autonomist);
i bêçs par svincolâ la impoteche ju ten jo in dipuesit (Pieri Somede dai Marcs, La braide)
Var. depuesit
, deposit
-
ce che al è depositât, in particolâr sume di bêçs lassade tant che prestit, fit, acont o sim.:
nol è dipuesit, titul o moviment finanziari che nol sedi bon di olmâ o, salacor, parfin di meti man, se al ves voie (Raffaele Serafini, Contis sot spirt)
-
s.m.
il depositâsi, il colâ viers il bas de sostance plui pesante:
a vegnin perfezionadis lis tecnichis chimichis e fisichis pal dipuesit dai strâts des celis (Lorenzo Marcolini, Lis celis organichis nanostruturadis)
Sin. deposizion
-
sostance che, jessint plui pesante, si è poiade jù:
met une prese [di polvar di cafè] tune tace: se al sporcje la aghe e al fâs dipuesit al vûl dî che al è di dut fûr che cafè (Redazion SFF, Pes paronis di cjase)
Sin. fece
, feçum
, fondacj
, precipitât
, sediment
, morcje ipon.
, puinte ipon.
, deposizion
-
s.m.
puest o struture li che si lassin ciertis robis o materiâi, spec. sot de responsabilitât e vuardie di cdn.:
i prins di Avrîl dal cuarantecuatri, si ferme la gnot in dipuesit a Postumie un traspuart militâr rivât di dentri la Jugoslavie, che e je in man ai Todescs (Ivano Urli, Storie di Min);
[i partigjans] a vevin fat saltâ un dipuesit di munizions (Roberto Ongaro, Il muc)
Sin. magazen
Cfr. arsenâl
, rimesse