magazen
/-èn/
ma|ga|zen
[AF]
-
s.m.
grande buteghe par vendi marcjanziis in grande cuantitât:
so fradi siôr Emilio, che al veve magazen di legnams a Vignesie, tant par contentâlu, al à fidât il negozi a Jacumin so nevôt (Giovanni Gortani, A la sagre di Mion);
al lunis di matina, dal magazen da la Societât Cooperativa, il nostri artist al puarta a cjasa dut chel che a i ocor, o che i podarès ocori, comi: açâr, bandon, pacfunt, zinc, fîl di oton, cuar, avori, madreperla, tartaruga, cjarbon e acit (Pietro Rossignoli, Sul louc e sul mout chi i nostris artiscj a fasin i temperins)
Var. magazin
-
grant ambient li che si ten la marcjanzie in spiete di jessi puartade tes buteghis e vendude o in spiete di jessi doprade:
lat, pomis, cjar, biscots, vin… aromai no si sa plui indulà imbusâju. I magazens a son incolmenâts di ogni ben di Diu (Riedo Pup, La sflacje e merte un premi);
[i ferovîrs] a jerin insom de arie de stazion, de bande dai magazens, e sul prin nissun si jere inacuart di lôr (Agnul di Spere, La scjate rosse)
Sin. dipuesit
-
s.m.
(fig.)
lûc, fisic o astrat, li che si conserve alc:
i nestris boscs, cun di fat, a son un magazen naturâl de energjie solâr conservade tal tronc dai lôr arbui (Dario Bianchini Giaiotti, Fulvio Stel, Energjiis rinovabilis in Friûl-Vignesie Julie: ce che al è disponibil e a cualis cundizions)
Sin. dipuesit
Proverbis:
- o di paie o di fen bisugne che si jempli il magazen
- o di stranc o di fen baste che si jempli il magazen