deposizion
/-òn/
de|po|si|zi|on
[CO]
-
s.f.
il deponi, il lassâ jù, il meti jù e v.i.:
ae fin de cerimonie, si varà la deposizion des rosis denant dal altâr dedicât al grant cjantôr dal Friûl (Redazion Lenghe.net, In memorie di Chino Ermacora)
-
s.f.
[CO, TS]
fis., gjeol.
il calâ e l'ingrumâsi di materiâl plui pesant in sospension:
i crets che a rivin a nivel dal teren a son plui di dut derivâts di deposizion di sediments carbonatics (Francesco Gobbo, Gjeologjie e paleontologjie ator di Preon)
-
materiâl pesant che si ingrume da pît di une soluzion:
tu viodarâs subit a comparî un torgulament e a depositâsi al font une abondant deposizion blancje (Giuseppe Ferdinando del Torre, Il contadinel. Lunari par l'an 1875)
-
s.f.
[CO, TS]
religj., art
episodi dal Vanzeli li che Crist muart al ven tirât jù de crôs e rapresentazion artistiche di chel episodi:
la opare plui impuartante [di Thanner] e je la grande Deposizion cun vot figuris di len pituradis, che o cjatìn te glesie di S. Marie di Frate a S. Denêl (Bepi Agostinis, Storie de art in Friûl)
-
s.f.
[CO, TS]
dir.
declarazion fate denant dal judiç e tignude buine pai efiets juridics:
[…] domandât l'Incuisît se al conferma la sô deposizion, o pûr se al ves di dî ancja cualchi altra cjossa […] (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
-
s.f.
rimozion di cdn. dal esercizi di un podê, di une cjarie, soredut cuntun at violent, rivoluzionari