Dizionari de Lenghe Furlane

dibot¹  /-òt/  di|bot  [FO]

1. av. par indicâ che une azion, cundizion, situazion, atribuzion, cuantitât e v.i. no je complete ma i mancje pôc:  nûf, dîs oris di sere. E ven jù la gnot e al è dibot scûr rampit (Ivano Urli, Storie di Vera); cent e cincuante agns indaûr, tal teritori atuâl de Republiche taliane, dibot dute la popolazion e cjacarave lis lenghis locâls e i dialets origjinaris (Xavier Lamuela, Une riflession su lis politichis linguistichis); la conference e jere scomençade dibot di une ore (Agnul di Spere, Un de maiorance); jo o cjati che si stave dibot miôr cuant che si stave mâl (Josef Marchet, Lis predicjis dal muini)
   Sin. cuasi , nancje , a la gruesse ipon. , in circje ipon. , plui o mancul ipon. , pressapôc ipon. , sù par jù ipon.
2. av. subite prime di un verp, ancje insiemi cuntune negazion pleonastiche, par dî che al è mancjât pôc par che al sucedês alc:  chê altre dì al à vude une sorte di coliche che dibot al murive (Roberto Ongaro, Cretevierte); ostro, dibot o scjafoiavi… (Pieri Somede dai Marcs, Ursule)
   Sin. a moments , mancje pôc che , negozi che , ve che , cuasi

Polirematichis e espressions idiomatichis

• cumò o dibot loc.av.
• o cumò o dibot loc.av.

Proverbis:

• il pôc al è dibot piês che no nuie