da pît
[FO]
-
loc.av., loc.prep., loc.adi.
de bande dai pîts:
[il muart] al jere su la bree, lis cuatri cjandelis ator ator di lui e da pît un biel macet di rosis di campagne (Ivano Urli, Zuiâ);
e comparì Tunine, tune cotule di siet telis, che e i rivave fin ai pîts, cun grancj sbufs su lis spalis e une spane di camuf da pît (Pieri Menis, Chei di Muraie)
-
loc.av., loc.prep., loc.adi.inv.
(ancje fig.)
te part basse, cun plui sens, ancje di prossimitât, cun contat o cence contat, di altitudin, di latitudin, di intensitât e v.i.:
dal cuviert si stacà un toc di linde. Cops e planelis a sfracassarin la scjale da pît (Pieri Menis, Sflameadis);
da pît la Cleve e passe la aghe vive, come sul ôr dal mont (Dino Virgili, La aghe da pît la cleve);
al netave i modons un a la volte e ju meteve in rie da pît il mûr (Carlo Sgorlon, Prime di sere)
Cfr. sot
, jù
, sot di
, jù par
-
loc.av., loc.prep., loc.adi.inv.
(ancje fig.)
tune estremitât, ancje dongje cun altris determinazions di spazi, di timp o di mût:
une grande stanzie che e à da pît, daûr di une paradane di veris, un fogolâr furlan (Alviero Negro, La cjase);
e là jù da pît lis lagunis cui cjasons, lis barcjis, i pes, il mâr, i cocâi e l'ôr dal cîl che si piert (Josef Cjargnel, Il Friûl al è nassût cussì);
scrivi par furlan te maniere plui ridicule, par fâ viodi che il nestri lengaç al è fat di peraulis talianis cun cualchi çoncjadure da pît (Josef Marchet, La nestre lenghe)
Sin. insom
-
te part finâl, finît:
di une lûs a chê altre a àn di lavorâ, che in cuindis e vincj dîs, la vore e à di jessi da pît (Josef Cjargnel, Il cjistiel di Udin);
uficis de justizie che a funzionavin tant ben, a jerin svelts a puartâ da pît i procès (David Zanirato, Il tribunâl che ducj a volevin salvâ… a peraulis)
-
loc.s.m.
part basse o iniziâl o finâl o estreme:
si fermà [...] sul troi, tal scûr, cu la jarbe a lapâi il da pîts dai bregons (Eugjeni Marcuç, Liende a Sant Zuan);
al tacave il rosari. O jentravin in glesie da râr, par vie che no jerin mai puescj. Ogni tant si rivave a cjatânt un impins sul da pît (Meni Ucel, Otavari a Madone)
Components:
Proverbis:
- cuant che lis urtiis a àn la rose fin da pît, e ven une vore di nêf ancje al plan