Dizionari de Lenghe Furlane

cui sa ce    [AF]

1. loc.adi.indef., loc.pron.indef. par indicâ alc di ipotetic e no cognossût:  al dispicje dal mûr un arcabûs, al cjape sù lis clâfs del broili, e vie di corse une altre volte, fûr di se stes, meditant intel so cjâf cui sa ce stragjis e ce vendetis! (Giovanni Gortani, La sbigule - Une gnot tun broili); al cjalave fûr a lunc par chê sfese che al veve li da cjâf, cul pinsîr pierdût daûr cui sa ce lunaris… (Dino Virgili, La aghe da pît la cleve)
   Var. cuissà ce
2. loc.pron.indef. robe o ancje persone cun cualitâts buinis o une vore buinis, soredut in espressions negativis:  "Ma siôr no: tu âs di lâ a bati il cjâf in chê là, e no son sants che tu vuelis moviti, nancje che fos cui sa ce" (Bruno Paolo Pellarini, Amôr in canoniche)
   
   1. cuantitât une vore grande:  chei che a jerin capitâts tai sgrifs dal usurâr a varessin paiât cui sa ce di savêlu muart (Alviero Negro, L'usurâr)
   2. ancje in funz. di av.:  e veve simpri tant spietât chê dì, crodint di podê sei cui sa ce contente (Jolanda Mazzon, Di là de rêt)

Components:

• ce¹ pron.int., inter., pron.dim., adi.int., adi.escl., av., pron.indef., s.m.
• cui pron.int.
• savê¹ v.tr., v.intr., v.mod.