Dizionari de Lenghe Furlane

cracâ  cra|câ  [CO]

1. v.intr. rompisi:  e crache sclopant chê scjanusse (Paolo Bulfone, Le scjanusse)
   
   1. (fig.) no funzionâ, fermâsi, blocâsi:  [il cûr] al ja cracât, alì tal cjamp. Lu 'nd àn menât a cjase sul cjar poiât su fassinis. Pôc dopo al è spirât (Guido Maghet, El scuviarzimi furlan)
      Sin. scrocâ
2. v.intr. vê un faliment finanziari improvîs e une vore grâf:  a falissin lis bancjis in Americhe e al crache il mont de economie (Zuan e Pieri, Intercettazioni al caffè II)
3. v.intr. fâ sunsûr di rompisi o come di alc che si romp:  la puarte da glesie ti criche ti crache, la sburtin, dut intun si spalanche (Dolfo Zorzut, La furlane)
   Cfr. cricâ
4. v.intr. di cierts animâi, tant che i corvats, lis çoris e v.i., fâ il lôr viers tipic:  un scjap di corvats al travierse, cun svol pegri, chest miscliç di aiar e di lûs […]: ancje il lôr cracâ al è un cjant ai dîs de Vierte (Giuliana Miculan, Cuadrut di Fevrâr)
   Sin. craçâ , cuacâ , craçolâ , scraçolâ , cuacarâ
5. v.tr. rompi:  cracâ vues (Stiefin Morat, Kebar krossè)
   Sin. crevâ