comissure
/-ù-/
co|mi|ssu|re
[CO]
-
s.f.
pont dulà che doi tocs, dôs parts si tachin:
par ben che dopo si resentin [i tinaçs], cualche particele soce a reste simpri tei fîi, tes comissuris [des dovis] (Giuseppe Ferdinando del Torre, Il contadinel. Lunari par l'an 1867);
lis spuindis dal jet e cricarin cu lis comissuris motis (Domeni Zannier, La crete che no vai)
Cfr. zonte
-
s.f.
articolazion dal cuarp:
e va benon di cheste stagjon, une cjaminade par gjavâsi il rusin des comissuris induridis dal frêt (Josef Marchet, Lis predicjis dal muini);
lis gjambis o scuen strissinâlis, lis cumissuris mi crichin (Meni Ucel, Baste la salût)
Sin. articolazion
Cfr. cidule
, zîr
-
(fig.)
spec. tal pl., part plui piçule, profonde dal cuarp o ancje dal spirt:
chel frêt sutîl che al jentrave par dutis lis comissuris che e tremave ancje la anime (Pieri Menis, Il «pigjama»);
al è come un amour inradisât fin ta li cumissuri pi fondi dal gno jessi (Novella Cantarutti, Li Clausini)