cidule
/cì-/
ci|du|le
[CO, TS]
-
s.f.
mec.
ruede picjade adalt, che e pues zirâ, li che si fâs passâ une cuarde che e ven tacade di une bande tune cjame, di chê altre e ven tirade in mût di jevâ la cjame o che si regole par tignî a une cierte altece une cjame:
jentrant pal puarton e passât il sotpuarti si cjatavisi tun grant curtîl di contadins cul poç tal mieç, cuntun arcut di modon par tignî la cidule (Pieri Menis, Chei di Muraie);
o tiri sù cu la cidule il bidon plui grant, lu cjarii di modons e lu cali jù (Lucian Verone, Lavoradôrs);
al jere un di chei plats [de lampade] cu la cidule e il piruç di crep, di tirâ sù e jù (Carlo Sgorlon, Prime di sere)
Sin. cighignole
-
s.f.
etnol.
ognidune des ruedis di len, o in cualchi câs breutis di len di forme cuadre, che daûr de tradizion cjargnele e di altris bandis des monts, si butin par aiar in bore tes gnots di ciertis fiestis, compagnadis di musichis, bots e pal solit introdusudis di une dediche scherçose a une persone dal paîs, a une cubie di morôs o a cualchi fat che in cheste maniere al ven pandût o ricuardât a dute la int:
cui faseve cidulis a centenârs par trailis a pene gnot sul cuel li vicin (Luigi Gortani, Il Deu di Cjargne);
mi ricuardi las cidulas / tratas da un pruc / inta not / las lôr codas di fôc si incrosin sot las stelas (Leonardo Zanier, In onôr in favôr…);
a Comelians, sere de Epifanie, a tiravin lis cidulis: "Che e vadi cheste cidule in sanitât di Piero e Romana…" Sclops di ligrie di ogni bande: o jerin bielzà imprometûts! (Piero Fantoni, "In chê dì da lis mês gnocis")
Sin. scalete
, ciduline