coltâ
col|tâ
[CO]
-
v.tr.
(ancje ass.)
miorâ un teren butant acolt, ledan, fertilizants:
te sparzine taiait lis plantis; sapait, svangjait e coltait tor ator par vê pronte la tiare di semenâ lis ortaiis in Primevere (Emilia Baldassarre, Ort e cusine);
se te stale si veve fortune, la bocjade e jere garantide: almancul il lat, il formadi, il vidiel e il ledan par coltâ (Riedo Pup, I furlans e la stale)
Cfr. inledanâ
, ledanâ
, spandi
, cuinçâ
-
dâ a une plante sostancis nutritivis butant acolt, ledan, fertilizants:
par fâ cressi un arbul bisugne coltâlu (Luigi Gortani, Il tor di Mueç)
-
v.tr.
viodi des plantis in maniere che a vegnin sù ben e, in câs, che a produsin:
e veve lassât par jê un toc di ort par semenâ gjorgjinis e belomos. Un zardinut par une sole cjalade, ma avonde par che e ves poiât il cûr. I diseve: "Si devente amîs dal Signôr a coltâ rosis" (Maria Forte, La fie çuete)
-
v.tr.
lavorâ un teren in mût che al produsi:
le veve tirade in cjase par judâle a vivi e par jessi judât a coltâ i siei cjamps e chei che al veve in afit, che a mancjavin i braçs di lavôr par lâ indenant (Pieri Somede dai Marcs, La cjarande)
Sin. coltivâ
-
v.tr.
(fig.)
favorî, fâ nassi e cressi alc:
ma tu tu âs suiade in mê chê sperance che tant o ai coltât tal mio cûr (Pieri Somede dai Marcs, Un pugn di moscjis)
Sin. clucî
Proverbis:
- cjamp sierât al è mieç coltât
- cjase tante di stâ, braide tante di coltâ, prât tant di cjalâ
- cui che al colte l'arbul al mangje la pome
- pocje tiere e ben coltade
- se no si colte, no si mangje