Dizionari de Lenghe Furlane

colonie¹  /-ò-/  co|lo|ni|e  [FO]

1. s.f. te storie antighe, comunitât di citadins che e forme une citât lontan de patrie cun o cence vincui cu la metropoli:  [ai zûcs olimpics] dome i Elens a podevin partecipâ, dal continent, des isulis o des coloniis che a fossin (Adrian Cescje, Viaç aes origjins dal Logos)
2. s.f. in ete moderne e contemporanie, teritori sotanât cun vincui militârs, politics, economics e juridics:  sot di Vignesie lis Costituzions a deventarin «Statûts» e biel planc la Patrie e deventà une colonie (Gian Carlo Menis, Storie dal popul furlan); cualchidun al rugnive che il stât talian nus tratave piês di une colonie africane (Francesc Placerean, Cuintristorie dal Friûl dal 1866 fint in dì di vuê); i stâts colonialiscj che a àn concedût une libertât politiche teoriche aes lôr vecjis coloniis, ma lis tegnin ancjemò sotanis a nivel economic (Sandri Carrozzo, La colonie)
3. s.f. centri urban o agricul fondât intun teritori che prime al jere salvadi o popolât di indigjens:  prime a son partîts contadins che a cirivin gnovis tieris di lavorâ e a àn puartât tes coloniis di Resistencia, Avellaneda, Colonia Caroya, Formosa, San Benito, Sampacho i valôrs de civiltât contadine di origjin (Javier Grossutti, Storie de emigrazion viers la Argjentine e l'Uruguay)
4. s.f. comunitât di int di un stes paîs che e vîf fisse tun paîs forest:  tignî i contats tra il Friûl e lis coloniis di furlans tal mont
   Sin. comunitât , grup¹ , fogolâr , famee
5. s.f. istitût che al ten i fruts vie pes feriis, ancje cun riferiment ae struture o ai fruts stes:  i fruts di Istât a van in colonie al mâr; lâ a metisi cul ombrenon dongje de colonie di Lignan
6. s.f. biol. complès di individuis de stesse specie che a son unîts ancje anatomichementri par formâ une unitât biologjiche di ordin superiôr:  calcârs grîs cun coloniis di corais tubulârs e strâts plens di bivalvis (Francesco Gobbo, Gjeologjie e paleontologjie ator di Preon)