cjavre
cja|vre
[AF]
-
s.f.
mamifar rumiant de sotfamee dai Caprins, cun riferiment particolâr ae specie dumiestie, tignude pal lat, pe cjar o ancje pe lane o pe piel:
ogni dì al menave la sô cjavre a passon pai rivâi (Vico Bressan, Scaiis - Il Strolic furlan pal 1967);
e jere la cjavre di sô comari Luzie dal Gri, une besteate che dispès e scjampave dal so cjôt par lâ a fâ cuatri pas (Pieri Menis, Il diaul);
cualchi vuicade di canaie che e zuiave tai curtiluts o pes stradelis, il priscâ di cualchi cjavre e, pal rest, il cidinôr de spiete (Roberto Ongaro, Cretevierte)
Var. cjare2
Cfr. bec2
, cjavron
, cjavret
, zocul
-
s.f.
(fig., spres.)
vacje che e fâs une vore pôc lat:
la Dosche e meteve vie di dì in dì la brume dal lat di chê cjavre di vacje che e veve, par fâ parie la spongje inte pigne co e veve implenât il cjadin (Meni Ucel, La brume)
-
s.f.
(fig.)
persone plene di pôre
Sin. piore
, cunin
Proverbis:
- baste une cjavre cu la rogne par ruvinânt un trop
- cjavre di fen, cjavre di ben; cjavre di frint, cjavre di vint
- divuardi che la cjavre e ves la code lungje
- e va tant la cjavre çuete, che il lôf le intope
- la cjavre che no fasi vuere cul leon
- la cjavre no po fâ vuere cul leon
- lis cjavris là che e va une a van dutis
- o plui fen o mancul cjavris
- spongje di vacje, formadi di piore, scuete di cjavre