cincuante
/-à-/
cin|cuan|te
[FO]
-
s.m.
numar che al corispuint a cinc desenis e segn grafic che lu rapresente
-
adi.num., pron.num.
in cuantitât di cinc desenis, ancje cun valôr sostantivât o cun sostantîf sotintindût:
ma al sarà pôc ce divertîsi: cuarante o cincuante di lôr a disaran e po a tornaran a dî chês robis stessis in favôr des autonomiis, e cuarante o cincuante e rispuindaran ducj cu lis stessis argomentazions cuintri (Josef Marchet, 80 discors);
in citât al è il limit dai cincuante;
al jere un om sui cincuante; a viodilu si lu varès dit un bon pari di famee (Roberto Ongaro, Il muc);
la glesie e je piçule, che un cincuante di lôr a stentin a stâ dentri (Josef Marchet, Lis predicjis dal muini);
«Mil tresinte cincuante di Crist Signôr - Mestri Zuan Batiston al fasè fâ da gnûf cheste glesie dal Crist par che e puedi tornâ da gnûf la pâs cun chei di Rivuinis» (Dino Virgili, La aghe da pît la cleve);
Tal 1982, cincuante mil citadins a vevin firmât une petizion poiade di Onde Furlane par domandâ al Parlament talian la leç di tutele des minorancis linguistichis (Max Mauro, Un Friûl difarent: i 90 mhz di Onde Furlane);
ju comprarìn a trente al chilo e ju tornarìn a vendi a cincuante (Maria Forte, La fortune di Folope)
-
adi.num., s.m.
ancje cun valôr di ordenâl o identificatîf intune serie o intune categorie
Sin. cincuantesim
-
s.m.
cincuantesim an di un secul, spec. dal secul passât:
al jere partît pe Svuizare inmò tal cincuante (Alan Brusini, Par stradis lungjis)
-
adi.inv.
l'insiemi di ducj i agns di un secul che a tachin cul cincuante, ancje cu la iniz. maiusc.:
tai agns Cincuante, la Italie e jere ferme. Jo o vevi un barbe lât in Canadà tal 1948, che mi à clamât cun lui (Oscar Puntel, Mario Collavino: une bandiere furlane parsore il gnûf World Trade Center di New York)
-
adi.num., pron.num.
(fig.)
in cuantitât indefinide, in gjenar grande:
a Pauli i tocjave di restâ in vuaite fin dôs, ma nissun al pretindeve un grant rispiet des oris. Si podeve vê cincuante resons buinis par intardâ lis mudis (Agnul di Spere, Cjalant la rive)
Sin. cent1
, cetant
, mil
, une vore
, un grum
, milante
, dîs
-
numar piçul, cuantitât piçule rispiet a ce che e podarès o che e varès di jessi:
un camarîr cul so francês di cincuante peraulis i veve dit che par Varsavie a corevin vôs di pôre (Agnul di Spere, Messe di misdì a Varsavie)
Proverbis:
- al vâl plui un porco ben metût che no cincuante pater
- il selino e i savôrs a van cincuante dîs a cjadaldiaul prin di nassi