Dizionari de Lenghe Furlane

cence bati voli    [CO]

1. loc.av. cun tante atenzion o tension che no si batin nancje lis ceis:  e stave par oris sentade sul jet, cjalant il mûr cence bati voli (Pieri Menis, Pascute)
   Sin. cence bati cei , cence bati cee
2. loc.av. cence vê o cence mostrâ nissune reazion emotive, cence fâ nissun probleme:  Marcuç cu la muse ancjemò plui spavide parsore il façolet scarlat, al someà ricognossilu, ma i passà denant cence bati voli (Pieri Menis, Sul agâr); Eliseo al cjalave il Nino a scrutinâ i ogjets e a butâ fûr i presits cence bati voli, come se ju ves lets di cualchi bande (Carlo Sgorlon, Prime di sere)
   Sin. cence bati cei , cence bati cee

Components:

• bati v.tr., v.intr.
• cence prep., av.
• voli s.m.