cedi
/-é-/
ce|di
[AF]
-
v.tr.
(ancje fig.)
dâ, lassâ alc a cdn. altri:
nol saveve dulà lâ e alore i vin cedude par une gnot la mê cjamare (Pieri Somede dai Marcs, Une conference di padre Gemelli);
il mês di Otubar dal '66, la Austrie che e veve pierdude la vuere cu la Prussie a Königgrätz (Sadowa) e scugnì cedi il Friûl a la Italie, che e jere stade in leghe cu la Prussie (Josef Marchet, Cuintristorie dal Friûl fin sot la Italie)
Sin. molâ
, lassâ
, dâ
, passâ
-
v.intr.
(ancje fig.)
no vê o no fâ plui fuarce, resistence, supuart, tignince e v.i.:
il paviment dal cjast al à cedût (Dolfo Zorzut, No je plui vive);
le puartave cimade, a mût so, cuntune dignitât ruspie e sostignude e mai lamentose, come se nol ves volût cedi ni ai agns, ni ai umigns (Maria Forte, Chê massanghe plui grande);
i predis a vevin stentât a cedi, ma un ae volte si jerin butâts tal trop ancje lôr, fin a disleâ lis cjampanis pe mobilitazion gjenerâl (Alan Brusini, Par stradis lungjis);
un nevôt al jere stât subit seneôs di vendile, ma Berto, plui ustinât di lui, nol veve volût cedi di un centesim (Franca Mainardis, Aiar di cjase)
Sin. molâ
, lassâ