buste
bus|te
[AF]
-
s.f.
cjarte pleade e che si pues sierâ par tignî dentri une letare o sim.:
e sbregà la buste in dute premure, e inforcjà i ocjâi e si metè a lei (Roberto Ongaro, Cretevierte);
lis letaris dai familiârs a vevin scrit par difûr, su la buste, VERIFICATO PER CENSURA (Checo Tam, La vuere di Checo)
-
letare:
o ai pronte une buste che o voi cumò in pueste a spedîle in racomandade (Adrian Cescje, Memoriis di politiche linguistiche)
-
s.f.
confezion di cjarte, plastiche o altri par prodots, ancje in riferiment al contignût o ae sô cuantitât:
cjoleit 400 grams di farine e messedaitle cuntune sedon di zucar, sâl, limon gratât, 1 o 2 ûfs, une buste di levan in polvar (Emilia Baldassarre, Ort e cusine)
-
s.f.
piçul contignidôr di materiâl avonde fin, tant che cjarte, carton, corean, plastiche e v.i., par meti dentri ogjets che se di no a puedin pierdisi o ruvinâsi:
la buste dai ocjâi (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
s.f.
cartele o borse par documents:
al jentre di buride, al à la buste de scuele sul flanc (Pieri Somede dai Marcs, Resurezion a Pontinie);
il timp al è vignût par zî a scuela / par cjoi na biela busta duta nova (Bepi Mariuz, A scuela)
Sin. cartele
, borse
-
s.f.
borsete di femine di forme retangolâr, plache e cence mantiis
-
s.f.
viôt buste paie
:
straordenaris in buste e in neri (Giannino Angeli, "Pentito, vostro onore!")
Polirematichis e espressions idiomatichis