cartele
/-tè-/
car|te|le
[AF]
-
s.f.
sorte di borse o buste, spec. cuadre e dure, par meti libris, documents e v.i.:
prin di lâ a scuele, cu la cartele su lis spalis o rivi di corse e mi sinti a scoltâ la musiche dal svint che al sofle planc (Stefano Gasti, Un puest cuiet)
Sin. borse
, buste
-
s.f.
sfuei di cartoncin pleât par tignî cjartis, documents e v.i.:
impins, daûr di un scritori maglât di ingjustri, un omenut anzian e coçon, al meteve adun cjartis tune cartele (Alan Brusini, Gian Paolo Linda, I forescj)
Sin. cartelute
, documentazion
, fassicul
-
[TS]
inform.
contignidôr par documents informatics:
e veve creadis tantis cartelis par spartî la pueste [eletroniche] a secont dai argoments (Gianfranco Pellegrini, Stramude di Vierte)
-
s.f.
document stampât cun schemis, indicazions, conts e v.i.:
mi è rivade la cartele des tassis (Meni Ucel, Tassis)
Cfr. polize
, schede
-
document stampât che al fâs part di une serie:
no vino di lâ a zuiâ la tombule, tu lis âs tu lis cartelis, no ti visistu? (Laurin Zuan Nardin, Il cop)
-
s.f.
cjarte monede:
lui tirâle cussì par sutîl e jê, li a doi pas, sô sûr, plene di bêçs, di aur, di cartelis (Pieri Menis, Il tesaur di done Cheche);
a Ruda, li ostariis erin in voga come pardut, e come pardut erin dopradis secont la simpatia pa bibita e… in base a lis cartelis che un al veva ta sacheta (Ferruccio Tassin, Ruda: alc su li ostariis)
-
s.f.
[TS]
edit.
ognidun dai sfueis di un test batût o stampât, cuntune lungjece standard, dispès di trente riis par sessante batudis:
il test de storie al varà di vê une lungjece di almancul 15 cartelis (Fabian Ros, Scrîf un film par furlan)
-
s.f.
[TS]
tecn.
in cierts sieraments, plache metaliche dividude in dôs parts li che al scor il clostri
-
toc di metal de fiube, par li che e passe la cinture
-
s.f.
[TS]
marang.
sfuei sutîl di len, o ancje altri materiâl, doprât di rivistiment
Sin. rimès
-
s.f.
[TS]
zoot.
galete di sede di pôcs strâts