Dizionari de Lenghe Furlane

buine man    [CO]

1. loc.s.f. piçule cuantitât di bêçs dade a cui che al à fat un servizi:  il cont, dade la man al nodâr, saludât Toni che nol rivà nancje a vierzi bocje, al lassà la buine man al scriturâl che i vierzeve la puarte e al jessì (Pieri Somede dai Marcs, La braide)
   
   1. compens o regâl che si da par un servizi che no si pues calcolâ un lavôr:  [il plevan] al scomençâ a fâ il zîr par benedî lis cjasis. La cjase di Mariute, insom dal paîs, e jere la ultime a jessi benedide: ogni an al usave a fâ cussì che li si scuarzeve ai zaghets une buine man e un biel toc di fuiace e un bon cafè pal plevan (Pieri Somede dai Marcs, Par une lengate)
   2. bêçs che si dan in plui ae fin di un rapuart di lavôr:  i nevôts dal cont Ridolf, ce di Vignesie, ce da Udin, ce di vie par la Italie, dade la buine man a siôr Talico [il fatôr] e ringraziât dal bensiarvît, a displantarin dut: vendûts i cjamps de Stradegnove, vendûts i pascs sù pai cuei, vendudis lis cjasis e lis braidis (Dino Virgili, La aghe da pît la cleve)
      Sin. licuidazion
   3. bêçs che si dan par corompi cdn.:  "L’è dacordo cun lôr!" "Je une bausie!" "L’è dacordo cun lôr! […] I àn dât la buine man!" (Zuan Lurinçon, La batarele)
      Sin. mandule
   4. auguri di bundì e bon principi e piçule cuantitât di bêçs o di robe di mangjâ che si da di regâl il prin dal an:  i siops! I fruts a pene jevâts sù dal jet il prin dal an a levin ator par cjasis e curtîi e li in coro: «Bundì, bon an, mi daiso la buine man? …» o pûr: «mi daiso alc ancje chest an? …» A tornavin a cjase sfladassant cuntune sachete di nolis (Pieri Menis, I siops)

Components:

• bon adi., s.m., inter., av.
• man s.f.