licuidazion /-òn/ li|cui|da|zi|on [CO, TS]
- s.f. econ. sieradure di conts, che si fâs definint, calcolant il vê di vê e il vê di dâ e in câs paiant: il cost totâl di un rapuart di cont al diven di plui elements, o sei: spesis par regjistrâ sul cont ogni operazion; comissions par meti in vore i servizis specifics; spesis di licuidazion periodiche [...] (Redazion Radio Onde Furlane, Sclesis di economie, 11)
- s.f. econ. complès des operazions che a coventin par sierâ i conts di une ativitât o di une societât che e cesse, soredut paiant i debits e vendint, ancje par pôc, o cedint elements patrimoniâi: Marianis e Volpares a son stadis ancje lôr in passât proprietâts coletivis [...], po dopo [...] a son stadis acuisidis a vari titul de Regjon: Marianis intai agns ‘80 dopo dal disfasiment dal Ente Tre Venezie, e Volpares intal 2001 dopo la licuidazion dal Ente Nazionale Cellulosa e Carta (Lorenzo Fabbro, Ancje la Basse Furlane e à i siei bens coletîfs, risorse par ducj)
- s.f. paiament di une sume di bêçs: il/la sotscrit/e [...] al/e declare ancje di no vê doprât e di no doprâ la documentazion contabile chi ripuartade pe licuidazion di cualsisedi altri finanziament a caric di ents publics (ARLeF, Rindicont pal finanziament concedût par garantî une juste poie ae programazion radiofoniche in lenghe furlane, daûr dal art. 23, L.R. n. 29/2007 - Mieçs di comunicazion)
- s.f. vendite a presit plui bas di chel normâl, soredut ae fin de stagjon: [a Zenâr] in dutis lis buteghis, straordinariis licuidazions di vistîts e di scarpis (Riedo Pup, Il Strolic furlan 1976)
- s.f. dir.lav. sume di bêçs che i tocje a un lavoradôr ae fin dal rapuart di lavôr, in gjenar calcolade daûr di trops agns che al jere durât il rapuart di lavôr: o speri ancje jo che la Filologjiche mi slungji une licuidazion cussì co e sarà ore di lâ in pension (Lelo Cjanton, Il Strolic furlan pal 1967); mi jere rivade la buste paie di Avost, cun dute la licuidazion (Igor Londero, Delit in vie del Lavoro)
- s.f. (fig.) fin, conclusion definitive di alc o ancje di cdn.: chestis a son lis prioritâts pal nestri teritori, pal Friûl e par Triest, [...] no di sigûr il cirî la maniere di baratâ la licuidazion de autonomie regjonâl par otignî un tratament plui favorevul par cheste o par chê altre realtât (Federico Vicario, Il Congrès di Sopula. Il salût dal President)