braide
/-à-/
brai|de
[FO]
-
s.f.
toc di tiere plui grant e plui lontan des cjasis dal ort, ma plui piçul e plui dongje dal cjamp:
"Alore siôr Simon, se la robe e je vere puedio sperâ che la braide nus e vendi a nô?" (Maria Forte, La tiere di Lansing);
lui al à di lavorâ, almancul mieze zornade, ce te braide, ce tal ort, ce tal bearç e ce par cjase (Josef Marchet, Lis predicjis dal muini)
Cfr. cjamp
, ort
, broili
, bearç
-
s.f.
toc di tiere, pal solit dongje de cjase e sierât di un mûr, li che si tegnin pomârs, vîts o ancje ortaie:
al viodeve i pomârs in file ducj cu la mude gnove e, insom de braide, la muraie di cente che e jere une magle clare e lusinte come une plume di ocje (Alan Brusini, Par stradis lungjis)
Sin. broili
Cfr. bearç
Proverbis:
- cjase fate e braide disfate
- cjase tante di stâ, braide tante di coltâ, prât tant di cjalâ
