broili
/-ó-/
broi|li
[AF]
-
s.m.
toc di tiere, pal solit dongje de cjase e sierât di un mûr, li che si tegnin pomârs, vîts o ancje ortaie:
e je citât ancjemò, ma no dome ciment, e lis cjasis si slargjin ca e là tun ort, un zardin, un broili di pomârs (Ivano Urli, Storie di Vera);
tal broili il mandolâr al jere dut un flôr colôr di rose fra la jerbe za verde dal stradon e il celest dal cîl (Pieri Somede dai Marcs, Fieste in famee);
la puarte de strade e il puarton a jerin ancjemò sierâts, ma al jere viert il puartel dal broili li disot, e di li e je jentrade (Pieri Menis, Il forest);
Milie e veve imparât a imbutiliâ il vin dal broili, a nudrî gjalinis e colomps, a tignî in sest chê cjase (Maria Forte, Slobar)
Cfr. bearç
, braide
, ort