avanzâsi
a|van|zâ|si
[CO]
-
v.pron.intr.
lâ indenant, vignî indenant:
lui si imposte, jê si avanze (Toni Broili, La cjadude di Adam);
e jesseve di glesie la procession, che si avanzave a planchin sot dai arbui tra il vert dal pradissit e il turchin dal mâr (Jolanda Mazzon, Di là de rêt)
Sin. avanzâ
, lâ indenant
, lâ indevant
, svicinâsi
, procedi
-
ancje di event, jessi plui dongje a sucedi o lâ indenant a sucedi:
viodint che la gnot si avanzava, e cun duta la ansia del mâl sintint il strepit del vint che infuriava, scomençà a sintî una paùra dolorosa di cualchi disgrazia (Federigo Comelli, Il Bide di Miot)