ardît
ar|dît
[AF]
-
adi.
cence pôre, plen di cûr:
fruts che si rimpinavin sù par cualchi brusse o, i plui ardîts, su di cualchi agacie, par petâ il salt ta la aghe (Gianluca Franco, Cuant che l'Istât al finìs - Ogni etât la sô maravee)
Sin. ardint
, ardôs
, braurôs
, bulo
, cence pôre
, coragjôs
, spavalt
, valorôs
-
plen di passion:
Piruç mio doç inculurît / cuant jo cji viôt, dut stoi ardît (Anonim, Piruç mio doç)
-
s.m.
[TS]
stor., milit.
intant de prime vuere mondiâl, soldât di reparts speciâi dal esercit talian impleât in azions di assalt:
[a pene finide la vuere] i ardîts inmò in divise, a inneavin predis austriacants tai lavadôrs (Alan Brusini, Come tai romançs);
reparts di ardîts a ocupin ducj i uficis publics dai comuns dulintor (Carli Pup, La seconde Irlande)
-
adi.
che al compuarte un pericul o une grande dificoltât:
la grant art di passâ, cul svol ardît / sin dulà che risplent la orsa glaçada (Zuan Josef Busiç, La Eneide di Virgjili)
Sin. azardôs
, imprudent
, riscjôs
, pericolôs
, temerari
-
(fig.)
che al compuarte une sfide ae tradizion:
Giulio Bragaglia al Teatri de Art di Rome, al veve provocât i autôrs dal regjim, impuartant lis novitât plui ardidis (Bepi Agostinis, Storie e cronistorie dal teatri in Friûl)
-
adi.
che al va di là dai limits di ce che si calcole rispietôs e cast:
Nedo, fat ardît par vie dal vin e de gjonde, al palpave di un continui la panze di Tilde e i spicigave lis tetis (Gianni Gregoricchio, Trê feminis)
Sin. morbinôs
, picant
, scabrôs
, sfrontât