alimentâ
a|li|men|tâ
[CO]
-
v.tr.
dâ di mangjâ, fâ mangjâ:
diviersis fameis a àn domandât di alimentâ i presonîrs jentrâts in come [par vie dal siopar de fam] (Carli Pup, I siopars de fam che a àn scjassât il mont)
Sin. dâ di mangjâ
, nudrî
-
di sostance, fâ di aliment, dâ energjie e sostancis che a coventin al organisim:
la blave e alimentave ogni dì la totalitât cuasi de popolazion rurâl (Adrian Cescje, Liniis di storie sociâl e economiche dal Friûl 1500 - 1800)
Sin. nudrî
, passi
, sostentâ
, sostignî
, tignî sù
-
v.tr.
dâ energjie a un aparât:
implants [a biomasse] di piçulis dimensions che a puedin jessi alimentâts cuasi ad in plen cun len o scarts di len di produzion locâl (Dario Bianchini Giaiotti, Fulvio Stel, Energjiis rinovabilis in Friûl-Vignesie Julie: ce che al è disponibil e a cualis cundizions);
produsi urani fissil par alimentâ reatôrs nucleârs (Alessandro Pascolini, Un mont cence armis nucleârs. Sfidis sientifichis e tecnologjichis)
-
v.tr.
(fig.)
fâ deventâ plui fuart, plui grant, ancje alc di astrat:
produsi savê, organizâ ricercje e alimentâ culture (Remo Cacitti, Gabriele Pelizzari, Intal segn di Jone)