Dizionari de Lenghe Furlane

alçâ lis spalis    [CO]

1. loc.v. (ancje fig.) movi lis spalis insù, soredut par pandi disinterès o rassegnazion, o ancje dome compuartâsi cun disinterès o rassegnazion o fasint fente di nuie:  Jacum lu cjalà cun ironie: "Parcè? No stâstu ben achì? ". Pieri al sbassà il cjâf: cemût podevial dîi, dopo dut chel che al veve fat par lui, che al jere stuf, che si sintive come intune preson? Al alçà lis spalis, mugugnant alc (Amedeo Giacomini, Tal ospedâl); si po alçâ lis spalis aes protestis di un milion di furlans, ma no si po trascurâ la ativitât coordenade di trente o cuarante milions di regjonaliscj da la Europe (Josef Marchet, Europe regjonaliste)
   Sin. tirâ sù lis spalis , scjassâ lis spalis , spacâ lis spalis

Components:

• alçâ v.tr.
• spale s.f.