Dizionari de Lenghe Furlane

al so vêr pont    [CO]

1. loc.av., loc.adi.inv. intal pont, inte cundizion, inte fase miôr, plui juste, plui biele, plui adate e v.i.:  par disfredâ la mignestre, a pene gjavade dal fûc le tramudin de cite cjalde intune frede e di cheste intune altre, e vie discorint, fin che a è al so vêr pont (Luigi Gortani, Sant Martin); co l'è il moment, e rivin in taule ancje i uciei, une spedade di uciei che fâs la biele voie, cu la lôr fuee di salvie, e la friçute di ardiel framieç, uciei rârs, ben nudrîts, e cuets al lôr vêr pont, che bastave il profum par passisi (Giovanni Gortani, Lis istoriis di Palladio)
   Sin. tal sô vêr pont , al vêr pont
   Cfr. in pont , a pont

Components:

• pont s.m.
• vêr adi., s.m.