Dizionari de Lenghe Furlane

Nadâl¹  Na|dâl  [FO]

1. s.m. fieste religjose dai 25 di Dicembar, pe nassite di Crist:  bon Nadâl a ducj voaltris (Francesc Placerean, Nadâl nus fâs capî che la storie e je plui profonde e biele di chel che e somee); o sin sot Nadâl, che ducj si sint - saio jo? - un fregul di voie di jessi bogns, di tratâsi cun buine gracie (Josef Marchet, Lis predicjis dal muini); doman al è Nadâl, ducj si tirin dongje tes sôs fameis (Pieri Somede dai Marcs, Gnot di Nadâl); al jere partît pe Svuizare e si faseve vîf ogni tant, une cartuline a Pasche, une a Nadâl (Alan Brusini, Par stradis lungjis)
   Var. Nodâl , Nedâl
   Cfr. nadalin , madins , presepi , siops

Polirematichis e espressions idiomatichis

• arbul di Nadâl loc.s.m.

Proverbis:

• a fiestis di Nadâl, ognidun al so cjavedâl
• a Nadâl frêt mortâl
• a Nadâl un pît di gjal
• a Nadâl un pît di gjal, a pascute miezorute
• a Nadâl un pît di gjal, prin dal an un pît di cjan
• a Nadâl un pît di gjal, prin dal an un pît di cjan, a Sant Antoni un pît di demoni
• di ogni dì al ven Nadâl e di martars Carnevâl, di joibe a ven la Sense: a son ducj mats cui che le pense
• di Sant Tomâs a Nadâl al cres il dì un pas di gjal
• di Sante Catarine a Nadâl un mês bielavuâl
• di Sante Luzie a Nadâl tredis dîs bielavuâl
• fin a Nadâl il frêt nol fâs mâl, di nadâl inlà il frêt si 'nd va
• la nêf daspò Nadâl no fâs solâr
• la nêf denant Nadâl e dure tant che l'açâl
• la nêf denant Nadâl e fâs solâr
• la nêf prin di Nadâl e je dute di regâl
• Nadâl al ven di ogni dì
• Nadâl al ven dome une volte ad an
• Nadâl al zûc e Pasche dongje dal fûc
• Nadâl in cjase, Pasche in place; Nadâl in place, Pasche in cjase
• Pasche e Nadâl ognidun tal so cjavedâl
• Pasche e Nadâl, santissim carnevâl
• prin di Nadâl il frêt nol è rivât, daspò Nadâl il frêt al è passât