siops /-ò-/ si|ops [CO]
- s.m.pl. piçul regâl che si da par ciertis fiestis, soredut pal prin dal an, a cui che al passe a saludâ o a domandâ, o ancje tra morôs e morose: e àn sclopetât dute la gnot i frutats par sclapâ l'an; e vuê i fruts a vegnin pai siops su lis puartis: "Siops, siops, / coculis e lops: / dait, no dait / in paradîs lait..." (Dino Virgili, La aghe da pît la cleve); par dutis lis cjasis a metevin vie nolis inte stagjon juste par dâ i siops il prin dal an (Pieri Menis, I siops)
- s.m.pl. robe di mangjâ puartade ai fruts di sante Luzie, di sant Nicolò, e v.i.: o lavin in scjapinele a viodi i regâi che il Bambin Gjesù nus veve puartât. A jerin i solits siops: cjastinis, coculis, bagjigjis, carobulis, e simpri - tal puest dal mandolât - il stiç di cjarbon (Vico Bressan, Mê none Sante); "Cussì grande, crodistu ancjemò a chestis robis di fruts piçui? ... E ce spetavistu?" "... Ma... alc... i siops... magari ancje un dôs caramelis..." (Jolanda Mazzon, Di là de rêt)
- s.m.pl. cualitât di blave, salacor cui grans piçui: li su chê flame [...] e cueievin patatis pes bestiis, râfs pai purcits, blave che o clamavin siops, e di Unvier si fasevin i sclopets e te buiade de cinise si meteve cualchi cjistine o cualchi râf (Pieri Menis, Il cuader de none)