Dizionari de Lenghe Furlane

vignî incuintri    [AF]

1. loc.v. svicinâsi lant de bande di là che cdn. al rive:  chist vicjut al ven incuintri a Tunin e gji dîs: "Biel zovin, ce âstu che tu vâs cussì burît?" (Dolfo Zorzut, El mago Sabin); o voi subit in municipi che al jere inmò viert; mi ven incuintri il cursôr: "Oh siôr dotôr […]" (Pieri Somede dai Marcs, A è lade cussì…)
   Cfr. lâ incuintri
2. loc.v. jessi pront a judâ, compuartâsi in maniere di sodisfâ ancje lis dibisugnis di cdn. altri:  le vevin massime cuintri di Mafalde che, dopo dal matrimoni, si jere fate viodi sì e no trê o cuatri voltis; ma plui ancjemò - e chest, pai Pascuts, al jere piês che no ogni altre robe - e veve stentât di vignîur incuintri su lis spesis che ur restavin su la grope a lôr (Gianni Gregoricchio, Trê feminis); o starìn atents sun cemût che a laran indenant lis robis e o tamesarìn il compuartament dai oms e dai partîts tal vignî incuintri aes esigjencis dai Cjargnei (Renzo Balzan, Autonomie cjargnele)
   Cfr. lâ incuintri

Components:

• incuintri¹ av.
• vignî v.intr., v.aus.