vicinant
/-ànt/
vi|ci|nant
[CO]
-
adi., s.m.
che, cui che al è a stâ dongje, tune cjase che e je dongje o tacade o tun apartament che al è tal stes stabil o tun stabil dongje:
a jerin ancje complenis de lôr bondance e de voie di fâlu savê a ducj, e massime ai vicinants; che la lôr braùre e travanave i mûrs (Maria Forte, La tiere di Lansing);
chê dì che la veve jodude pe prime volte tal alt di une terace scuviarte, sence filiadis, intente a meti a suiâ la blancjarie, 'Sef al saveve za che e jere rivade, jal vevin dite cualchi dì prime i vicinants (Nadia Pauluzzo, Il bintar)
Sin. vicin
Cfr. curtilant
, confinant
-
adi., s.m.
ancje in riferiment a un popul, che al vîf dongje di un altri:
intant che noaltris furlans o litighìn, si messedìn, o fasìn un davoi [...] nol è di dî che di chest moment politic cussì delicât no si scomponin e no tratin ancje i nestris vicinants des monts a soreli jevât. I sclâfs, si sa, a son int mancul sunsurone di noaltris (Josef Marchet, Tra il Lusinç e la Tor)
Sin. vicin
Cfr. confinant