verbâl
ver|bâl
[CO]
-
adi.
che si riferìs ae peraule, aes peraulis, che al à a ce fâ cu la peraule, cu lis peraulis, che al è formât di peraulis e v.i.:
al è il plui dotât di grinte e di talent verbâl (Adrian Cescje, Memoriis di politiche linguistiche);
agressions fisichis e verbâls cuintri dai miedis e dai infermîrs (Walter Tomada, Lâ daûr di Rome o fâ di bessôi?)
-
de peraule fevelade, fat di peraulis feveladis, a vôs:
cun gno pari no ai mai cjacarât tant, soredut di mulet. No che no lessin dacuardi, dome che la comunicazion verbâl no jere il nestri fuart (Igor Londero, Un blanc e un neri)
-
adi.
[TS]
ling., psic., semiol.
dal lengaç, de peraule:
par enunziât si intint un segment di produzion verbâl che e puarte un significât indipendent (Franc Fari, Miran Skrap, Mecanisims gnervôs che a controlin la sielte des lenghis);
il possès di buinis capacitâts cognitivis verbâls (Alessandra Burelli, La sfide dal bilenghisim)
-
adi.
[CO, TS]
gram.
dal verp, de part dal discors che e esprim la azion:
il pronon obiet o di tiermin al pues ancje zontâsi in code de forme verbâl te tierce persone singolâr (Sandri Carrozzo, Repertori di regulis pal nivel C)
-
s.m.
document che al ten cont di ce che si à discorût e decidût intune riunion o di ce che al ven declarât di cdn.:
il segretari al scrîf il verbâl, po al lei, ducj a firmin (Pieri Somede dai Marcs, La ultime firme de mê podestarie);
il marassial dai carbinîrs al stave scrivint il verbâl (Pieri Menis, Il fi de Rosse)
Cfr. rifierte
, regjistrazion
, relazion
, rapuart
Polirematichis e espressions idiomatichis