Dizionari de Lenghe Furlane

vapôr  va|pôr  [AF]

1. s.m. stât gasôs da la aghe o ancje di altris licuits:  un sisteme secondari al disfrede il vapôr che al jes des turbinis [de centrâl nucleâr] (Alessandro Pascolini, Il disastri de centrâl nucleâr di Fukushima Dai-ichi); al fâs tant frêt, Jacum si invie viers la scuele, butant par ogni flât un nûl di vapôr (Marisa Moretti, Neveade)
   Var. bapôr
   Cfr. fum
   
   1. masse di aghe o altri licuit in stât gasôs:  vapôrs blancs a soreli jevât i fasevin cuintri ai nûi neris de montagne (Alan Brusini, Gian Paolo Linda, I forescj)
      Cfr. nûl , fum , fumate
2. s.m. tren cun locomotive a vapôr, o tren in gjenerâl:  al rivave ca cul aiar fin in Cleve un businôr vualîf: il vapôr de Pontebane (Dino Virgili, La aghe da pît la cleve); il vapôr al va a planchin, sul puint di Dogne che al pâr fat di filistrin (Josef Marchet, Il cjanâl vistût di blanc)
   
   1. nâf o barcje cun motôr a vapôr, o ancje nâf o barcje a motôr in gjenerâl:  al era rivât a Triest indulà che al era Navarunsins a vora tai vapours dal Lloyd - cussì mo a contavin - e cualchidun a lu veva fat imbarcjâ (Novella Cantarutti, Foucs)

Polirematichis e espressions idiomatichis

• a dut vapôr loc.av., loc.adi.inv.
• a vapôr loc.av., loc.adi.inv.