Dizionari de Lenghe Furlane

valê la pene    [AF]

1. loc.v. vê un valôr o une impuartance che e justifiche une fadie, un impegn, une azion o ancje dome atenzion, afiet e v.i., o ancje, in costruzions impersonâls, jessi ben, jessi just, jessi convenient:  si domandave se e valeve la pene di fâ dutis chês comediis [parecjâsi ben la taule], stant che al jere di bessôl (Carlo Sgorlon, Prime di sere); cualchidun al tignì dûr cun rabie pe culture furlane; al vâl la pene di innomenâ un par ducj: l'abât Jacum Pirone di Dignan (Francesc Placerean, Cuintristorie dal Friûl dal 1866 fint in dì di vuê); mi avilìs ancje par robis che no valarès la pene, tantis voltis (Jolanda Mazzon, Di là de rêt)
   Sin. paiâ la spese , paiâ la pene , valê la spese , mertâ

Components:

• pene¹ s.f., av.
• valê v.intr.