usmâ
us|mâ
[CO]
-
v.tr.
soredut di cjan di cjace, sintî cul nâs l'odôr lassât di une bestie o in câs di cdn.:
o spietìn la gnot di ploie, cussì i oms no nus sintin a scrosopâ pal bosc e i cjans no nus usmin (Roberto Ongaro, Il muc)
Sin. nasâ
, nulî
-
tirâ sù cul nâs par sintî odôrs:
al nulive dulintor di se. Forsit al jere saldo che al usmave par vie che nol viodeve scuasit nuie (Carlo Sgorlon, Il dolfin)
-
v.tr.
(fig.)
rivâ a capî, a scuvierzi:
il comant merican, intaiât che soldâts e ufiziâi e levin a zuiâ e a piardi une vore di bêçs di cualchi bande, al domandà informazions e inalore i polizais e tacarin a usmâ la ferade (Redazion Patrie dal Friûl, Man nere e Shore Patrol);
chest neurolic al fo un dai prins a usmâ la esistence di plui personalitâts intun individui (Franc Fari, Il cjâf dai furlans)
Sin. nasâ
, nulî
, olmâ
, vualmâ
-
v.tr.
(spres.)
cirî di capî, di scuvierzi, di otignî, ancje impaçantsi dai fats di chei altris:
di chei fradis (e di chê fate a 'nd ere une vorone in chei timps) che si ramenavin simpri ator de canoniche, usmant come cjans, e che magari a pratindevin ancje di paronâ, lui [il plevan] al varès fate une caretade e ju varès menâts a Codroip sul marcjât dai mus (Alviero Negro, La tampiestade di Rivignan)
Sin. meti il nâs
, nasicjâ
