Dizionari de Lenghe Furlane

une volte che    [CO]

1. loc.coniun. par introdusi une proposizion temporâl, indicant posterioritât rispiet a di un ciert tiermin, in câs ancje cun sens ipotetic o di consecuence:  il lavôr, par Sebastiano, nol finìs li, parcè une volte che il çuç al è pront, tocje promovilu e vendilu (Margherita Timeus, Gianni Colledani, Casâr? No, «perfezionadôr»...); une volte che i soldâts a fossin deventâts tant umans di impegnâsi a salvâ ancje une favite, nissun rivarès mai plui e mai altri a fâur acetâ di lâ a copâ oms (Riedo Pup, La passare di Dedeà)
   Sin. dopo che , daspò che , cuant che
2. loc.coniun. par introdusi une aversative:  cetantis bufulis che nus àn contadis sul cont de democrazie, su la nature sacre des leçs, su la grande e nobile mission di cui che lis met adun, une volte che a son invezit robis di ridi! (Josef Marchet, L'esempli di adalt)
   Sin. intant che , mintri che , cuant che

Components:

• volte s.f.