uman
/-àn/
u|man
[FO]
-
adi.
dai oms e des feminis, des personis:
cetant strambe che e je la ment umane! (Gianni Gregoricchio, Trê feminis);
no crodeve jê, cussì buine, che la tristerie, l'interès, la supierbie umane, a podessin sfogâsi cussì, cuintri creaturis cence difese (Roberto Ongaro, Il muc)
-
dal om tant che specie biologjiche:
i studis su la evoluzion umane si fondin ancje su la comprension dai ciclis biologjics dai ominidis (Claudio Tuniz, Evoluzion umane: la sience e mostre i segrets des nestris origjins)
-
s.m.
ce che al è dal om:
pes monts sore Trep di Cjargne a jerin a stâ i maçarots e la int dal paîs ur tocjave di spudâ balins par parâsi di chei mostros che no vevin dal uman (Josef Cjargnel, I maçarots di Trep)
-
s.m.
persone, individui de specie Homo, soredut in confront cun altris speciis, o cun ce che al è metafisic o, te fantasience, cun aliens:
e co la luna a si fruça / a si jôt che a è cjarta di scus / voli sengul che al spia / i umans, chest patùs (Giorgio Ferigo, Luna di cjarta);
Ah Diu! I son rivâts i umans! (Federico Tavan, La nâf spaziâl)
Sin. om
-
adi.
che al pant sintiments di comprension, justizie, solidarietât che a varessin di jessi tipics dal om:
cheste setemane [chê di Nadâl] e devente la plui biele setemane dal an, la plui pacjifiche, la plui legre, la plui umane (Riedo Pup, Bastarès fâ Nadâl dut l'an);
une solidarietât umane che nus à consolâts (Francesc Placerean, Nadâl nus fâs capî che la storie e je plui profonde e biele di chel che e somee);
cuant che o protesti, cuant che o sberli a la int lu fâs dome par une specie di amôr rabiôs dal gno prossim o par une idee che mi somee juste e umane (Pieri Piçul, Vieri e gnûf)
Sin. bon
, cristian
, umanitari
