Dizionari de Lenghe Furlane

trie¹  tri|e  [CO]

1. s.f. zûcs zûc di taule là che ogni zuiadôr al à nûf pedinis, o in cualchi version dodis pedinis, di meti su di une taule là che a son segnâts trê cuadrâts concentrics e une crôs che ju travierse e dôs diagonâls, cirint di formâ une rie di trê pedinis su la stesse linie:  par parâ vie chel pôc di timp che al restave, tes fameis si zuiave di tombule o di trie (Mario Tomat, Un scherç di Fero)
2. s.f. zûcs zûc di doi zuiadôrs li che ognidun al cîr di meti in line trê dai siei simbui, cerclis o crosutis, segnantju un par volte tune gridele fornade di nûf cuadrâts:  dopo il sun da campanele lis nestris polsis, i nestri piçui zûcs: botons ferins, trie, soldâts [...] (Eleonora Nonini Mattiuzzo, Strade das tarondis)
3. s.f. grup di trê personis o di trê elements:  [il libri] "Chei... di simpri" al fâs la trie cun altris doi che lu àn precedût: "Chei... di in chê volte" dal ’97 e "Chei... di cumò" dal ’98 (Lucian Verone, Recension di Agnul Covàs "Chei... di simpri")
4. s.f. grup di un ciert numar di personis che a fasin part de stesse categorie o che a son in cunvigne tra di lôr:  e jere burascje par aiar e une trie di becjârs di culì e jere preocupade: si vevial di lâ o di no lâ a Gurize? (Josef Marchet, Il marcjât de Blancje)
5. s.f. [CO, TS] mat. serie di trê numars o elements matematics
6. s.f. (fig.) maniere di fâ par otignî un risultât, in câs ancje imbroiant:  acheste je la trie / che il diaul al à insegnât / par piâ nel lûc danât / chescj scandalôs (Gabriele Paciani, Cuintre ciarts predis libertins); il piês al è che ancje une vorute di furlans si son butâts in chê trie [tal zûc dai partîts] e no fasin nissun onôr a la innomine di int positive e cence fotis, che i nestris viei si vevin cuistade (Josef Marchet, Preambul rusin)
   Sin. zûc , truc¹

Polirematichis e espressions idiomatichis

• rompi la trie loc.v.