Dizionari de Lenghe Furlane

tocjâ cul dêt    [CO]

1. loc.v. tal sens leterâl, svicinâ un dêt a alc o a cdn. fin a vê contat, a sintî a tast:  chei purcituts di tiere che a sbrissin di sot dai claps intal ort e che si rondolin a balute une volte tocjâts cul dêt (Romano Binutti, Cucant capis, cais e trilobitis)
2. loc.v. (fig.) controlâ, verificâ, fâ esperience direte:  fin che [la disgracie] no si le tocje cul dêt […], si mantegnin i costums di simpri (Franco Marchetta, Madalene)
   Sin. tocjâ cun man , tocjâ cu la man
3. loc.v. (fig.) jessi li li par otignî o rivâ a otignî
   Sin. tocjâ cu la man
4. loc.v. (fig.) in espressions che a vuelin dî che alc imagjinât, insumiât al somee propit concret
   Sin. tocjâ cu la man
5. loc.v. in espressions che a vuelin dî che alc, soredut un element dal paisaç, si viôt une vore net e al somee une vore dongje:  il cîl al jere net, cussì vicin che al pareve di tocjâlu cul dêt (Pieri Menis, La vuere sul Freikofel)
   Sin. tocjâ cu la man

Components:

• dêt s.m.
• tocjâ v.tr., v.intr.