tocjâ cu la man
[CO]
-
loc.v.
tal sens leterâl, svicinâ la man a alc o a cdn. fin a vê contat, a sintî a tast:
Toni al tocjave cu la man lis letaris di bronç cui nons dai soldâts de prime vuere. Lui al jere rivât aromai ai otante ma lôr no (Checo Tam, Lis pinessis)
-
loc.v.
(fig.)
controlâ, verificâ, fâ esperience direte:
il spetacul de campagne eletorâl che o vin sot i voi in chescj dîs, al pararès fat a pueste par fânus tocjâ cu la man dutis lis pecjis e i malans de situazion interne, politiche e sociâl da la Italie (Josef Marchet, …come che e diseve la gjate di Aquilee);
chei a jerin documents vêrs e no cjacaris: la prove di podê tocjâ cu la man che Sante Luzie e jere propit stade; passade in ducj i paîs, cence dismenteâ nissun, in nissune cjase (Riedo Pup, I furlans e Sante Luzie)
Sin. tocjâ cun man
, tocjâ cul dêt
-
loc.v.
(fig.)
jessi li li par otignî o rivâ a otignî:
cumò i ultins [Batistons] - il çoc di Cuesim, che al jere restât in Cleve pal dirit dal prin di mari, daûr il lôr costum di cjase - a tocjavin cu la man il lôr sium: la ultime striche di tiere di ca da la aghe e deventave lôr (Dino Virgili, La aghe da pît la cleve)
Sin. tocjâ cul dêt
-
loc.v.
(fig.)
in espressions che a vuelin dî che alc imagjinât, insumiât al somee propit concret:
si insumià di un insium che no i someave nancje che al fos un insium, tant che lis robis si imparevin cussì veris che di bot si podevin tocjâ cu la man (Fabian Ros, Il lôf)
Sin. tocjâ cul dêt
-
loc.v.
in espressions che a vuelin dî che alc, soredut un element dal paisaç, si viôt une vore net e al somee une vore dongje:
lis montagnis plui bassis al someave di tocjâlis cu la man e nome la mont Cjanine e veve in ponte un sbrendul di nûl blanc e sutîl (Alan Brusini, Par stradis lungjis)
Sin. tocjâ cul dêt
Components: