tirâ il cûl indaûr
[CO]
-
loc.v.
(coloc., pop., fig.)
ritirâsi di fâ alc, refudâsi di fâ alc, soredut se al domande sfuarç, impegn, responsabilitât e v.i.:
al è un partigjan che al fâs la sô part e al paie il so vê di vê, nol tire il cûl indaûr, al paidìs la sô rate di duliis e di pôris (Ivano Urli, Storie di Min);
"Nus àn dite che là ju, in Abissinie, a àn bisugne di nô alpins par taiâle curte. Che sedi vere o no, tu puedis stâ sigûr che nissun di nô nol tirarà il cûl indaûr" (Gianni Gregoricchio, Îr e doman)
-
loc.v.
(coloc., pop.)
praticâ il coitus interruptus, no eiaculâ te vulve:
intal clip dai vuestris bleons di lin, ricamâts… eh… eh… che o fasês al amôr, ma, par no vê il fastidi di vê masse fruts, voaltris umign, o tirais il cûl indaûr, o, par no fruiâ masse lis vuestris siorutis di porcelane, o vais a sfogâsi sul paion di cualchi puare che si da par bisugne…! (Alviero Negro, Int di masnade)
Components: