test
/-è-/
test
[FO]
-
s.m.
complès des peraulis di un scrit o di un discors:
i materiâi didatics pes scuelis a tegnin dentri il spartît […] e […] il test de cjançon (ARLeF, La storie dal Friûl intun rap creazion artistiche di Dj Tubet);
o ai preparât il test de propueste di leç di presentâ ai cjâfs di grup politics de Regjon e al president Blasut (Adrian Cescje, Memoriis di politiche linguistiche)
-
s.m.
intun scrit, spec. intun libri, part origjinâl dividude di ce che al ven zontât tant che notis o coment:
o vin metût di bande il coment di altris sutilecis lessicâls intal lavôr di traduzion par furlan, sparniçadis ca e là intal test (Lorenzo Marcolini, L'articul di Einstein dal 1905 sul efiet fotoeletric. Un lavôr plurilengâl voltât in lenghe furlane)
-
s.m.
opare scrite in gjenerâl, e in particolâr se e je calcolade impuartante par cualchi aspiet di contignût o di testemoneance storiche:
la tipografie di Sant Lazar, uniche in Europe, e stampave i tescj liturgjics e lis stampis di devozion par ducj i munistîrs dal Medi Orient cristian (Pierluigi Visintin, Friûl e furlans te Histoire de ma vie di Giacomo Casanova);
la Divine Comedie di Dante Alighieri e je dal sigûr un dai tescj plui impegnatîfs che un tradutôr leterari al puedi pensâ di frontâ (Sandri Carrozzo, Note dal curadôr ae traduzion dal Infier di Dante)
Sin. scrit
, opare
-
s.m.
[TS]
ling.
enunziât complès scrit o fevelât che al à une sô unitât morfosintatiche, stilistiche e di significât
-
s.m.
[TS]
filol.
opare scrite, cemût che e risulte de sô trasmission:
inta chest spieli o pant lis variantis là che il test al è diviers da la redazion A (Zorç Cadorin, Doi autografs di Toni Broili framieç dai manuscrits furlans di Berlin conservâts a Cracovie)
-
s.m.
[FO, TS]
dir.
at scrit personâl li che cdn. al dispon dal so patrimoni dopo de muart:
dopo di vê scrite su la cjarte bolade la volontât dal testadôr, il nodâr, tirât dongje dal jet, al scomence a lei il test (Pieri Somede dai Marcs, Dure leç);
tal doman a buinore, viert il test, tra tancj nevôts, a 'Sefon i jere tocjade juste une cjiche di bêçs (Alan Brusini, Amîs come prime)
Sin. testament
Polirematichis e espressions idiomatichis
Proverbis:
- il test di Bertolt nol fale mai: cuant che al plûf lui al rît e cuant che al è soreli al vai
- l'om si lu cognòs in trê robis: tal zûc, tal matrimoni, tal test