Dizionari de Lenghe Furlane

fâ test    [CO]

1. loc.v. lassâ par scrit lis volontâts su cemût dividi i propris possediments dopo che si sarà muarts:  "Vigje, o fasarai test, ti lassi dut a ti" (Pieri Somede dai Marcs, Gnot di Nadâl); [i pelegrins] prin di partî a jerin obleâts a fâ test e a consegnâlu al plevan (Antoni Beline, Sant Jacum, là che al finìs il mont)
   Sin. testâ , fâ testament
2. loc.v. vê valôr, jessi impuartant o determinant:  i tescj di dutis lis leçs a van emanâts in lenghe irlandese, che e fâs test in câs di ambiguitât. Inte prassi, però, chest nol ven aplicât (Dree Venier, Gaeltacht, lis "isulis" li che si fevele il gaelic de isule irlandese)

Components:

• fâ v.tr., s.m., v.intr.
• test s.m.