tele1
/tè-/
te|le
[FO]
-
s.f.
materiâl o toc di materiâl fat tiessint fîi:
une tele cussì fine e vualive che si po fâ cjamesis cun jê (Luigi Gortani, La ospitalitât);
il zingarut al jere voluçât, come un principin, intune tele di lin, ricamade e blancje come la nêf (Pieri Menis, I sioperos dal muini);
sui barcons a jerin tendinis di tele zale e lizere (Carlo Sgorlon, Prime di sere)
Sin. tiessût
-
tiessût di lin o di cjanaipe:
Lene e veve za preparâts i vistiduts, un scansel di armâr plen, robe di lane e di tele (Pieri Menis, Sul agâr)
-
s.f.
[TS]
pit.
tiessût di lin o cjanaipe che al ven piturât:
al jere jevât sù par controlâ se la tele si jere suiade, e: «E je scuasi pronte», dissal tornant a sintâsi su la bancje. «Si podarès belzà tacâ a piturâ» (Mario De Apollonia, Il timp par ledrôs);
il pitôr al met une grande tele tal sufit dulà che al piture il Trionf de sapience sacre (Bepi Agostinis, Storie de art in Friûl)
-
piture fate su di chel supuart:
al rivâ ta chê stanzie che il pitôr al doprave par fâ il so lavôr; li a jerin telis par ogni bande: cuadris finîts e di finî (Roberto Ongaro, Cretevierte)
-
s.f.
(fig.)
persone che e je pôc ce fidâsi di jê:
al paron, viere tele di borc Sant Lazar, no i parè vere che invezit di bausiis e promessis […], une i disès subit la veretât a rivuart dal so stât di fortune o disfortune (Roberto Ongaro, Il muc)
Sin. blave
, lane
, plume
Polirematichis e espressions idiomatichis
Proverbis:
- a lusôr di cjandele, ni femine ni tele
- a Sant Simon, cui che al à i bregons di tele al è un mincjon
- cuant che il ragn al ties la tele, la massarie e po metile a suiâ
- cui che al à pocje tele che al fasi curte la cjamese
- cul tirâ, la tele si romp
- e vûl tele a fâ cjamesis
- il ragn cu la sô tele al cjape moscjis ma no moscjons
- ni femine ni tele al clâr di cjandele