Dizionari de Lenghe Furlane

tap¹  tap  [CO]

1. s.m. toc di len plac, plui sutîl di une bande, zontât sot di alc par dâ la altece juste o par fermâ une ruede
   Sin. coni , penule
2. s.m. forme, struture che e forme un disnivel, un scjalin, dant insù, infûr o injù, indentri:  el prin diurint, che al va te gorne, si clame diurintole, si inclaude ai lendarûi, par formâ come un tap di 2 cm. (Alceo Muzzolini, Il muridôr); las muelas di piera cul zirâ si fruavin e alora a vignivin da Çurçuvint par tornâ a fâur i taps e chest si clamava picotâ (Silvia Puntel, Cuant che la int a doprava i mulins - Faliscjas); taiade une vermene / dal morarut che al mene / àn fat sbrissâ la scusse / planchin, i àn fat il tap, la imbocjadure / e i àn dât sot imbote al sivilot (Enrico Fruch, I zugatui); denant, a pôcs pas dal borgut, al jere un rivâl e po un tap a plomp dulà che si vierzeve un canâl (Pieri Menis, La glesiute dai alpins)
   Cfr. dint , sane , scjalin

Polirematichis e espressions idiomatichis

• lâ sù pai taps loc.v.
• sù pai taps loc.av.