Dizionari de Lenghe Furlane

svuarbâ  svuar|bâ  [AF]

1. v.tr. fâ deventâ vuarp, gjavâ i voi o in ogni câs fâ che cdn. nol puedi plui viodi:  bandonât di ducj e isolât intune conzure, lu faserin presonîr e lu svuarbarin devant dal re, a Verone. Infin, lu condanarin a jessi esiliât (Angelo Floramo, Ansfrit)
   
   1. impedî di viodi ben, ancje in maniere no definitive e cence dams fisics:  si suiave cu la conole la ploie che lu svuarbave (Dino Virgili, La aghe da pît la cleve)
2. v.tr. (fig.) impedî di resonâ, di viodi la realtât cun calme e ecuilibri:  se l'amôr pe nestre int no nus à svuarbâts, nus pararès che al sei une vore dificil clamâ poltrons i Furlans (Josef Marchet, Sflacjons e insolents)
   Sin. inceâ
3. v.tr. (fig.) gjavâ lûs o spazi a un ambient, soredut taponant un barcon o une puarte:  cussì al è nassût il stanzein che al svuarbe inmò di plui la cjase viere (Maria Forte, I arcs)
4. v.tr. [TS] agr. gjavâ i voi o lis cecjis di une plante:  svuarbâ une plante par che no cressi masse adalt (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
5. v.tr. (fig.) sodisfâ almancul un pôc une dibisugne:  pal viaç al veve svuarbât un sium cuiet (Maria Forte, La tiere di Lansing); il popul al veve altri a ce pensâ: al veve il so dafâ a svuarbâ la fam e a gratâsi la pelagre (Alviero Negro, Int di masnade)
   Sin. calmâ¹ , imbroiâ

Polirematichis e espressions idiomatichis

• svuarbâ la fam loc.v.
• svuarbâ un sium loc.v.
• svuarbâ un voli loc.v.

Proverbis:

• l'aur al svuarbe la justizie
• masse amôr ti svuarbe, masse dolôr ti cope