svintulâ
svin|tu|lâ
[AF]
-
v.tr.
movi l'aiar, soredut par fâ fresc o par parâ vie alc
-
v.intr.
dal aiar, movisi, soflâ in maniere avonde lizere:
svintule su la cime / dei pôi la bavesele, / plui cuiete di prime / torne la gnot di Istât sul ôr de Fele (Enrico Fruch, A Mueç);
cul aiarin che al svintule / ce biel navigâ cheste sere (Vittorio Vittorello, Par musiche)
-
v.tr.
movi alc tal aiar:
Impirât un sbrendul di tavaie suntun baston, impins sul cjar parsore dal soreâl, lu svintulave, fûr pal paîs, come une bandiere (Pieri Menis, I sioperos dal muini);
si sintivin lis vacjis a rumiâ e a svintulâ il scovet de code sul stran par parâ vie lis moscjis (Pieri Somede dai Marcs, Gnot clare gnot scure)
-
v.tr.
trai une schirie di colps di arme di fûc:
i cjars armâts ur svintulin par aiar une metraiade (Ivano Urli, Storie di Vera)
-
v.tr.
(fig.)
fâ viodi, fâ savê, fâ cognossi a viert:
o ai svintulât il progjet di vêti par modele (Costantino Smaniotto, Co l'amôr al cimie)
Sin. pandi
, spampanâ
-
v.intr.
di alc che al è picjât, tacât, leât e v.i. di une bande e libar di une altre bande, movisi par vie dal aiar:
l'aiar i faseve svintulâ i cjavei che i cjadevin jù pes spadulis in riçots (Catarine Percude, La mulinarie);
Su la cuarde, tal prât, e svintulave la robe di lissie: tant che paveis grandonis (Dino Virgili, La aghe da pît la cleve);
sul camin plui alt de fabriche e svintulave une grande bandiere rosse come une flame vive (Pieri Menis, Sul agâr)
Sin. svoletâ