sudôr
su|dôr
[FO]
-
s.m.
licuit butât fûr di glandulis de piel in cundizions di cjalt, fadie, fiere cu la funzion principâl di sbassâ la temperadure dal cuarp, o ancje par vie di une emozion o altris situazions:
si gjave il cjapielat passantsi i dêts jenfri dai cjavei bagnâts di sudôr, fer te plombe dal soreli (Franco Marchetta, Madalene);
al bute su la schene de cjavale, che e fumave di sudôr, une sfilzade e al pee il puar nemâl a un anel sul mûr da la arie (Pieri Somede dai Marcs, Dure leç);
l'om al capità, dut une sponze di sudôr e sbarlufît di sei discjolt dal so lavôr (Maria Forte, La tiere di Lansing)
Sin. aghe
-
odôr carateristic lassât su la piel no lavade di chel licuit, massime sot tai braçs:
al lassave daûr vie une ferade di sudôr e di lisp di fâ gomit (Alan Brusini, Amîs come prime)
Sin. sudât
, sudadiç
-
s.m.
(fig.)
fadie, sfuarç par rivâ a un obietîf, o ancje ce che al compuarte fadie, sfuarç e v.i.:
a fuarce di vitis vin tirade sù famee, che cul nestri sudôr vin cuistât il nestri fogolâr (Pieri Somede dai Marcs, Resurezion a Pontinie);
al tacà a sberghelâ che lu vevin ruvinât, che i vevin robâts i siei sudôrs, il so sanc (Pieri Menis, Il fi de Rosse)
Sin. sudôr di sanc
Polirematichis e espressions idiomatichis
Proverbis:
- a fuarce di sudôrs, si devente siôrs
- lagrime di femine, sudôr di cjaval
- lagrimis di predi e sudôr di stradin, nissun no ju à mai viodûts
- lagrimuçs di femine, sudôr di cjaval e vaî di plevan nol è di crodi, che al è dut ingjan