sucrit
/-ìt/
su|crit
[CO]
-
s.m.
puest platât o par platâsi o par platâ alc:
il lavio cun ducj chei claps e cun chê aghe nete che e coreve, e lis rivis cun chei boscs plens di sucrits, ju invidavin in ogni stagjon [i fruts] (Lucio Perès, Tal Cuar);
al leieve ciertis cjartis rivadis di scuindon e che lui al tirave fûr di un sucrit sot il salizo (Maria Forte, Cjase di Dalban);
lui si sintive sigûr te sô tane, un sucrit che nissun al podeve induvinâ (Pieri Piçul, I Cosacs in Friûl)
Var. sigrit
, socrit
-
(fig.)
part platade o segrete ancje no tal spazi fisic:
al saveve che al jere un pinsîr vergognôs, purpûr, par tant che lu slontanàs dal cjâf, al sintive simpri di puartâsal daûr, clupît intun sucrit dal cûr (Pieri Piçul, Vieri e gnûf)
Cfr. plee
, cjanton
, buse
-
s.m.
(ancje fig.)
puest piçul e strent, soredut stanziute li che si metin vie robis par no vê disordin ator:
a jerin lâts a stâ fûr de cjase grande, tune stanzie di pît sù, cuntun sucrit in bande (Maria Forte, Mabile la Lunghine);
i barbîrs a scrivin su la lôr tabele "SALONE" e se o jentrais, si cjatais intun sucrit di cuatri metros par trê, indulà che no si po nancje voltâsi (Josef Marchet, Il salon dal barbîr)