Dizionari de Lenghe Furlane

stentâ  sten|tâ  [FO]

1. v.intr. (ancje fig.) fâ alc cun fadie, cun dificoltât:  so pari le cjalà un moment come se al stentàs a cognossile (Pieri Menis, Il testament); e stentave cul furlan, che in bocje sô al someave une lenghe oltrane (Gianni Gregoricchio, Trê feminis); la glesie e je piçule, che un cincuante di lôr a stentin a stâ dentri (Josef Marchet, Lis predicjis dal muini); i plaseve di stâ bessôl, distirât sot i cjariesârs a pensâ, a madressi une decision che e stentave a palesâsi (Alan Brusini, Par stradis lungjis)
   Sin. fâ fadie
2. v.intr. frontâ fadiis, dificoltâts:  si lavore, si procure, si stente e si fastidie par lôr - a disevin i vecjos - pai fruts (Riedo Pup, I furlans e i frutins)
   Sin. sfadiâ , strussiâ , scombati , lambicâ
   
   1. vê mancjance di alc:  sâr Tite al è rigorôs, ma nus vûl ben a ducj cuancj, e no nus lasse mai mancjâ di nuie. No cate la anade, di polente no si stente (Catarine Percude, La plui biele)
   2. fâ fature a tirâ indenant, vivi in miserie:  jê e saveve cemût che e bulive in ogni cjase […] cui che al stentave e cui che al gjoldeve (Pieri Menis, Agne Ursule)
      Sin. strussiâ , tirâle

Proverbis:

• cuant che l'uciel al è fûr de scjaipule, si stente a cjapâlu
• cuant che si po, no si stente
• cui che al gjolt di zovin al stente di vieli
• cui che al po nol stente
• cui che al stente di zovin al gjolt di vieli
• cui che nol po al stente simpri
• cui che nol sparagne di zovin al stente di vieli
• cui che nol stente al mangje il çuç e al lasse la polente
• disordin in zoventût, stentâ in veglece
• fraie di domenie, stentâ di lunis
• il maridâ al è curt, il stentâ al è lunc
• simpri al stente cui che no si contente