Dizionari de Lenghe Furlane

spopeâsi  spo|pe|â|si  [CO]

1. v.pron.intr. di tiessût ruvinât, pierdi fibris o fîi dal ôr, o di fibre o fîl, vignî vie dal ôr ruvinât:  "Cheste po!" o ai pensât. "Cui saial il parcè che un [cjalçut] si spopee e l'altri no?" (Alessandro Bachiorrini, Un cumiât straordenari)
   Sin. sfiliâsi , dispopeâsi
2. v.pron.intr. ancje di alc altri, vignî vie, vignî fûr, colâ di alc di sbregât, taiât, rot o colâ a tocs:  il Bulo al puartà une man a fermâ lis vissaris che a si spopeavin da un slambri de panze (Maria Forte, Il Bulo di Crodio)
   Sin. dispopeâsi
   
   1. (ancje fig.) pierdi unitât o integritât di struture, sedi materiâl che imateriâl:  là vilis si spopein, / boscs si sgarbuin, / si scjafoin monarchiis e citadelis, / ca puints e rostis strachis si scrufuin, / e lis montagnis van in çançarelis (Toni Broili, Lunari furlan cun diviars trucs par l'an 1847)
      Sin. rompisi , disfâsi , sdrumâsi , disdrumâsi , distruzisi , dispopeâsi